التعدين بكروت الشاشه ( شرح شامل ومبسط ) التعدين بكروت الشاشه ( شرح شامل ومبسط )
مدونه بقلمى مدونه بقلمى
random

آخر الأخبار

random
جاري التحميل ...

التعدين بكروت الشاشه ( شرح شامل ومبسط )

التعدين بكروت الشاشة


التعدين بكروت الشاشه





شرح مبسط عن التعدين بكروت الشاشة 


لكل الناس الي بتسال عن التعدين بكروت الشاشة في الموضوع ده هحاول اللخص لكم الموضوع :)
----------------------------------------
اولا : الجزء النظري

١- التعدين عبارة عن تشغيل جهاز الكمبيوتر بتاعك لمراقبة شبكة عملة رقمية وعمليات ارسال واستقبال العملة واخذ اجر مقابل ده

٢- الاجر بتاخده كجزء من العملة دي وعلي حسب القوة التعدينية للجهاز بتاعك وبيتاثر بسعر العملة الي بتشتغل عليها ومدى الصعوبة ( بحسب عدد الاجهزة المتصلة بشبكة العملة بيكون في تنافس علي الحصول علي الاجر من مراقبة الشبكة واللي بيتسمى بفك شفرة البلوك وهو جزء برمجي يخص طبيعة عمل العملات الرقمية وكل ما زادت مستوي الصعوبة قل انتاجك من العملة )
 ٣- القوة التعدينية بتتحدد بنوع وعدد كروت الشاشة مش باي حاجة تانية في جهازك
واي حاجة تانية هتبقى بتخدم كروت الشاشة وبتحافظ علي انها تشتغل بشكل سليم ليس إلا
٤- كل كارت شاشة ليه قوة تعدينية اسمها هاش ريت وهي الي بتحدد مكسبك من التعدين
٥- مفيش شركة معينة هي الي بتحاسبك والموضوع كله لا مركزي والاجر الي بتاخده علي شكل عملة بتتولد وبيتعمل منها تلقائي من شفرة العملة والي بتكون مفتوحة المصدر بمعني ان اي حد يقدر يشوف الكود البرمجي للعملة وممكن تطويرها.
٦- جهاز الكمبيوتر الي ممكن تشغله في التعدين هو جهاز عادي بمازر بورد فيها اكتر من PCI علشان توصل عليها اكتر من كارت ورامة متقلش عن ٤ جيجا مع باور كبير او اكتر من باور وده حسب عدد الكروت الي هتوصلها بالجهاز
٧- العمر الافتراضي للجهاز الي هتجمعه مع المحافظة علي تهوية مناسبة وكهربا مستقرة للاجهزة مش هيقل عن ٣ سنوات 
٨- العائد المادي هيساوي راس المال خلال سنة تقريبا ويعادل ١ دولار لكل ١ ميجا هاش ريت في عملة الايسر تقريبا يوميا او من ٢٥ ل ٣٠ دولار شهريا لكل كارت rx470 او rx 480 والتكلفة الإجمالية لجهاز من ٦ كروت شاشة هتكون من ٤٠ ل ٥٠ الف جنيه تقريبا مع عائد شهري من ١٥٠ ل ٢٠٠ دولار واستهلاك للكهربا من ٣٥٠ ل ٥٠٠ جنيه شهريا وتقدر تحسب استهلاكك من الكهربا بعدد الكيلوات لجهازك شهريا وبشكل عام الجهاز الواحد بيستهلك ١ كيلو وات لكل  ساعة تقريبا بما يعادل ٧٢٠ كيلو وات شهريا وده بيعادل ٣٥٠ جنيه تقريبا في فاتورة الكهربا وكل ما زادت الاجهزة زاد الاستهلاك ودخلت في شريحة اعلي بحيث ان ال ١٠٠٠ كيلو وات مثلا بيعدالو ٦٥٠ جنيه تقريبا شهريا
٩ - بتقدر تبدل العملة الي بتشتغل عليها بالبتكوين في منصات التداول العالمية زي poloniex
١٠- الاجهزة ممكن تشتغل ٢٤ ساعة و ٧ ايام في الاسبوع وبدون تدخل منك بعد تجميع الجهاز واستقرار الأداء ، مع ضرورة المراقبة طبعا
----------------------------------------
ثانيا : الجزء العملي
...............
١- الهاردوير
أ- مازربورد فيها أكتر من PCI وتقدر تتحمل الشغل الشاق والافضل في المجال ده هي asrock H81 والمصممة لقاومة تغيرات الكهربا والرطوبة
ب - كروت شاشة وهي المسؤولة عن تحديد القوة التعدينية والافضل حاليا rx 470 ثم rx 480 من حيث مناسبة التكلفة للعائد 
ج - رايزرات توصل بين المازربورد وكروت الشاشة وانت محتاج واحد لكل كارت والافضل هي رايزرات ال ٦ بن لامكانية توصيلها مباشرة بكابلات ال ٦ بن والي بتتحمل الحرارة والكهربا اكتر من كابلات الساتا ، ولازم الخامة كويسة علشان متسببش خسارة كارت الشاشة
د - باور واحد كبير للجهاز او باور ٥٠٠ لكل كارتين وفي حالة هتستخدم اكتر من باور هتوصلهم ببعض بقطعة مخصصة لده ودورها انها هتشغل وتفصل الباورات الاضافية مع الباور الاساسي ، ويفضل يكون الباور من نوع single rail
ر - رامة ٤ جيجا وهارد باي مساحة وبروسيسور مناسب للبوردة الي هتجيبها
س - ممكن تحتاج توصيلات تانية لتوزيع الاحمال علي الباورات ولامان اكتر
ص- واخيرا هتحتاج صندوق خشب او المونيوم تركب عليه كروتك وجهازك ونت وكهربا مستقرين 
...............
٢- السوفتوير
أ - ويندوز ١٠ 
ب - البرنامج الي هتشغله للتعدين وانا انصح بـ claymore miner وهياخد عمولة منك بحسب العملة وهي في الغالب ١٪ او ٢٪
ج - الموقع الي هتبعت عليه قوتك التعدينية وهيحسبلك مكسبك ويحولك انتاجك بشكل منتظم وكمان هياخد عمولة زي البرنامج وانا انصح بـ ethermine و nanopool و dwarfpool
والمواقع دي بتشتغل بنظام التعدين الجماعي والمشاركة في ارباح التعدين وبتحسبلك مكسبك بانتظام وتعرفك قوتك التعدينية ومكسبك التقديري كل يوم وكل اسبوع وكل شهر بناء علي اداء جهازك خلال اخر ٢٤ ساعة وتبعتلك ارباحك في وقت ثابت كل يوم او لما يوصل ربحك لرقم انت بتحدده او محدد من الموقع وبيبعتلك ايميل في حال جهازك توقف عن التعدين لاي سبب
د - تعمل محفظة علي منصة تداول وانصح بـ poloniex
ودي تعتبر عنوانك و بتستقبل عليها ارباحك وبتابع بيها في موقع التعدين وبتكتبها لبرنامج التعدين قبل ما تشغله
...............
٣- طبيعة العمل
أ- تجمع جهازك وتوصل الوصلات والرايزرات والباور
ب- تشغل الجهاز وتعرف كروت الشاشة وتشغل برنامج التعدين
ج - تتابع الهاش ريت بتاعك علي موقع هتبعت عليه قوتك التعدينية 
د - تستقبل ارباحك علي منصة التداول وتحولها لبتكوين او تستني ارتفاع السعر وتحقق مكسب احسن

----------------------------------------

لو محتاج مساعدة او استشارة في شراء مستلزمات الجهاز او تجميعه متترددش في السؤال وانا في الخدمة بس بعد ما تكون قرات الموضوع ده كويس واكتر من مرة ، بالتوفيق للجميع :)

----------------------------------------

ملاحظة : أنا غير مسؤول عن اي استغلال سيء للمعلومات الواردة في الموضوع ده او اي مخالفة لانظمة اي دولة ، وما تم ذكره في الموضوع مطبق حول العالم ومرخص في دول كثيرة ، والصور المرفقة من شبكة الانترنت .
منقول للافاده ولاى استفصار اترك تعليق وانا هرد عليك ان شاء الله

جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).

التعليقات





إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

مشاركة مميزة

تحميل للعبة الاستراتيجية الممتعة والنادرة Rise Of Nations - Rise Of Legends برابط واحد من ميديا فاير

للعبة الاستراتيجية الممتعة والنادرة Rise Of Nations - Rise Of Legends تحميل اللعبة الاستراتيجية الممتعة والنادرة Rise Of Nations...

جميع الحقوق محفوظة

مدونه بقلمى

2016